Ostale objave

PROBLEM VS IZAZOV – NAZOVITE STVARI PRAVIM IMENOM

Sve riječi koje izgovorite o nečemu, osim što opisuju to o čemu govorite, u velikoj mjeri opisuju i vas. Stil je čovjek...

I najbolji griješe: 4 lekcije o ne(uspjehu)

Nije tajna da uspješni biznismeni često prave greške – ko rizikuje, ne profitira. No, nekada su te greške tako fundament...

Ne budite sami sebi prepreka

Kako možemo probiti ograničenja koja sami sebi postavljamo? To je ono što Majkl Port, autor knjige The Think Big Manifes...

Kada hobi postane posao

Blogging je definitivno postalo zanimanje kojim se može i zaraditi. Da li možete zamisliti ovakvo iskustvo na svom CV-u? Ako ne na Vašem, sigurno će Vaše dijete pokazati više interesa za ovu profesiju. Da, da, pričamo o plaćenom poslu…

Milenijalci i internet generacije su svojim stilovima života, ponašanjem na online sferi stvorili i potrebu za novom profesijom: « Influenser ». To su poznate ličnosti ili osobe koje su prepoznate kao uticajne u jednom ili više domena i koje ljudi prate na društvenim mrežama kao što su Instagram, YouTube, Facebook… Brendovi su to prepoznali: Influenseri utiču na naše potrošačke odluke i zato ih danas plaćaju: da reklamiraju njihove proizvode preko svojih stranica.

No, kako se postaje influenser? Koje su to vještine koje su potrebne da biste postali uticajni vođa na društvenim mrežama i stekli titulu influensera koje kompanije žarko žele asocirati na svoj brend? 

Razgovorali smo sa Natašom Gardašević. Na Instagramu se odaziva na „Njezvanova“ (njen omiljeni karakter iz romana Dostojevskog) i prati je preko 60 hiljada takozvanih follower-a. 

Često pričamo o tome koliko je bitno baviti se onim što volimo, Nataša nam priča o svom poslu i otkriva kako je cura koja je htjela primarno da upiše medicinu, magistrirala pravo, a danas se bavi bloggingom: Danas, u vrlo duhovitom stilu dijeli svoje mišljenje o našem društvu, a tu kako kaže, tema ne fali… 

HRP: Danas si jedan od najuticajnijih influensera u Crnoj Gori i regionu. Kako se postaje influenser?

NG: Ne znam da postoji egzaktna formula, napravila bih se još uticajnijom. Jedina tačna formula je istina. Masa prepoznaje iskrenost. Ja sam samo bila ja. U ovom vremenu je to, nažalost, rijetkost. Moje mišljenje je da trebate samo da budete ono što jeste jer sve je fejk i toga je narod sit, gladan je istine. Mene je iskrenost lansirala u zvijezde. Svjesno i namjerno biram teme koje nimalo nisu smiješne, i serviram ih kroz humor, jer ogorčenja ne fali narodu sa Balkana, i istina se najbolje plasira kroz šalu.

HRP: Koje su vještine potrebne za takvo zanimanje?

NG: Treba dosta sebe uložiti u sve to, mene je koštalo privatnosti, recimo. Balkan generalno nije ogromna regija, te se posredstvom interneta sve širi brzinom svjetlosti. Treba biti spreman na ulaganje vremena, truda i energije. Ali nikada ni jednu temu niti video nisam pripremala unaprijed, meni jednostavno sine samo od sebe, u tom trenu i snimam. Upravo taj iskreni impuls, neprepeglani video, nesavršeni kadrovi i greške u govoru daju do znanja da je sve u trenutku i iskreno, ljudi su to prepoznali.

HRP: Čime si željela da se baviš kada si bila u srednjoj školi?

NG: Željela sam da studiram medicinu, cijelog zivota. Liječenje ljudi mi je bilo interesantno. Na kraju sam došla veoma blizu tome zagovaranjem zdrave ishrane i zdravih stilova života kroz svoj Instagram profil, samo što sam sad mišljenja da se bolesti sprječavaju zdravom hranom i treningom radije, nego kad već nastanu, da se liječe hemijom.

HRP: Šta si na kraju upisala? Kako si došla do te odluke?

NG: Medicinu nisam upisala jer je trebalo da idem za Foču, a nije mi se to radilo, i danas sam sigurna da je to bio pravi izbor. Pravo sam upisala zato što je to bilo drugo na listi u čemu se mogu vidjeti  i završila ga u roku sa prosječnom ocjenom 9,67. Ne vjerujem u slučajnosti, o čemu sam govorila u više navrata, te tako se pokazalo da je pravo ipak jedan od mojih najvećih talenata i još većih ljubavi. Pravo je umjetnost dobrog i pravičnog.

HRP: Da li si radila/radiš u toj struci?

NG: Radila sam u struci nekoliko godina, trenutno ne radim kao pravnica, bavim se marketingom kao Influenser, a nemoguće je postići sve odjednom te je kod mene pravo trenutno na čekanju.

HRP: Šta bi preporučila mladima koji te prate i koji trebaju da donesu odluku šta poslije srednje škole?

NG: Mladima bih preporučila da prvo slušaju svoju želju, da pokušaju sebe da oslušnu. A zatim da razgovaraju sa timom stručnih ljudi koji će njihove talente samo kanalisati i usmjeriti na put koji je za njihovo najveće dobro, jer roditeljska ljubav je nerijetko puna strahova od neuspjeha te zna da uguši dječije iskrene želje i stvarne talente. I napomenuću, zapamtite, ne postoji pogrešan put. Uvijek dođemo tačno tamo gdje treba. Postoji samo lekcija i blagoslov.

Ukoliko se pitate kako ispratiti želje Vaše djece, u skladu sa njihovim talentima, afinitetima, možemo Vam pomoći: http://hrpartners.me/centar-za-karijeru-step-up/program-omg